Rama publikon projektin fitues për EXPO Albania: Kompleks modern për organizimin e evenimenteve të ndryshme

08:22 | 26 Prill 2024
R J

Kryeministri i Republikës së Shqipërisë Edi Rama, ka publikuar pamje nga projekti ideja e arkitektit të famshëm amerikan Steven Holl, që u përzgjodh një ditë më parë në finalen e konkursit ndërkombëtar për EXPO Albania.

Rama shkruan se do të jetë një kompleks modern për organizimin e evenimenteve të ndryshme dhe një tjetër xhevahir i koleksionit të arkitektëve bashkëkohorë në Tiranë.

“Mirëmëngjes dhe me projekt-idenë fituese të arkitektit të famshëm amerikan Steven Holl, në finalen e konkursit ndërkombëtar për EXPO ALBANIA, që do të jetë një kompleks modern për organizimin e panaireve, ekspozitave të artit, kulturës, historisë, konferencave e takimeve të shumëllojshme, si edhe një tjetër xhevahir i koleksionit të arkitektëve bashkohorë në Tiranë, për një ofertë të re për #Shqipërinë2030, ju uroj një ditë të mbarë”, shkruan Rama.